Эслатма 2024 йил 20 декабрь

ноябрь ойи учун:

• ҚҚС ҳисоботини тақдим этиш ва солиқни тўлашнинг охирги куни

(Солиқ кодексининг 273-моддаси 1- ва 2-қисмлари);

• агар ноябрь ойида дивидендлар ва фоизлар ҳисобланган бўлса, дивидендлар ва фоизлардан олинадиган солиқ суммаси бўйича солиқ ҳисоботини тақдим этишнинг охирги куни

(Солиқ кодексининг 345-моддаси 5-қисми);

• норезидентларнинг даромадларидан олинадиган солиқ суммалари бўйича солиқ ҳисоботини солиқ агенти томонидан тақдим этишнинг охирги куни

(Солиқ кодексининг 355-моддаси 1-қисми);

• ер қаъридан фойдаланганлик учун солиқ ҳисоб-китобини тақдим этиш ва тўлашнинг охирги куни

(Солиқ кодексининг 454-моддаси 3- ва 4-қисмлари);

декабрь ойи учун:

• сув ресурсларидан фойдаланганлик учун бўнак тўловлар солиқ даврида солиқ суммаси базавий ҳисоблаш миқдорининг 200 бараваридан кўпроқни ташкил этадиган юридик шахслар томонидан (бундан айланмадан олинадиган солиқни тўловчилар мустасно) йиллик солиқ суммасининг 1/12 қисми миқдорида тўлашнинг охирги куни

(Солиқ кодексининг 448-моддаси 3-қисми);

IV чорак учун:

• электрон шаклда хизматлар кўрсатувчи чет эл юридик шахслари томонидан ҚҚС хисоботларини тақдим этиш ва тўлашнинг охирги куни

(Солиқ кодексининг 281-моддаси 3- ва 4-қисми);

• сув ресурсларидан фойдаланганлик учун бўнак тўловлар солиқ даврида солиқ суммаси базавий ҳисоблаш миқдорининг 200 бараваридан камроқни ташкил этадиган, айланмадан олинадиган солиқни тўловчилар бўлмаган юридик шахслар, шунингдек айланмадан олинадиган солиқни тўловчилар ва якка тартибдаги тадбиркорлар томонидан йиллик солиқ суммасининг 1/4 қисми миқдорида тўлашнинг охирги куни

(Солиқ кодексининг 448-моддаси 3-қисми);

• айланмадан солиқ тўловчилар томонидан мол-мулк солиғи йиллик суммасининг 1/4 қисми миқдорида жорий тўловларни тўлашнинг охирги куни

(Солиқ кодексининг 417-моддаси 6-қисми);

• айланмадан солиқ тўловчилар томонидан қишлоқ хўжалиги учун мўлжалланмаган ерлар бўйича ер солиғи йиллик суммасининг 1/4 қисми миқдорида тўлашнинг охирги куни

(Солиқ кодексининг 432-моддаси 1-қисми).