“Uy-joy va ipoteka bozorini yanada rivojlantirishga oid qo‘shimcha chora-tadbirlar to‘g‘risida” Prezident Farmoni qabul qilindi.

PF-26-son, 21.02.2025-yil 

    Farmonga ko‘ra, 2025-yil 1-maydan boshlab “Yangi  O‘zbekiston” massivlarini barpo etish doirasida:

• yer uchastkalarini ko‘p kvartirali uy-joylar qurish uchun ijaraga berish bo‘yicha auksion savdolarida qatnashish, ko‘p kvartirali uy-joylarni qurish va ularni realizasiya qilishga faqat qo‘shilgan qiymat solig‘ini to‘lovchi yuridik shaxslarga ruxsat etiladi;     

• Auksion savdolarida yer uchastkalarini ko‘p kvartirali uy-joy qurish uchun ijaraga olgan yuridik shaxslarga ijaraga olingan paytdan boshlab 12 oy davomida ushbu yer uchastkasi bo‘yicha yer solig‘ini to‘lashdan ozod qilinadi;

• Shuningdek,  "O‘zbekiston ipotekani qayta moliyalashtirish kompaniyasi" AJ huzurida ipoteka obligatsiyalarini chiqarishga ixtisoslashtirilgan maxsus vakolatli tashkilot faoliyati yo‘lga qo‘yiladi;

• Ipoteka obligatsiyalarini chiqarish amaliyotini tartibga solishni nazarda tutuvchi “Tartibga solish qumdoni” maxsus huquqiy rejimi joriy etiladi;

• maxsus rejim doirasida O‘zbekiston Respublikasining rezidenti va norezidenti bo‘lgan yuridik shaxslarning ipotekani qayta moliyalashtirish tashkilotlari va ular qoshidagi maxsus vakolatli tashkilotlar tomonidan 2030-yil 1-yanvarga qadar emissiya qilingan obligatsiyalar bo‘yicha hisoblangan daromadlari foyda solig‘idan ozod qilinadi.  

    Ushbu tartib Soliq kodeksiga tegishli o‘zgarishlar kiritilganidan keyin amaliyotga joriy etiladi.

Soliq kodeksi 2-modda

    So‘nggi 5 yilda umumiy maydoni 21,7 million m.kv bo‘lgan ko‘p kvartirali uy-joylar barpo etilib, aholining uy-joy sotib olishiga ko‘maklashish uchun 67 trillion so‘mlik ipoteka kreditlari ajratildi hamda ushbu maqsadlarga Davlat budjetidan 44 trillion so‘m yo‘naltirildi. 

    Daromadi yuqori bo‘lmagan 64 mingdan ortiq fuqaroga 3,5 trillion so‘mdan ortiq subsidiya mablag‘lari to‘lab berildi.