Жавоб

“Kichik biznesni uzluksiz qoʻllab-quvvatlashning kompleks dasturi”da ishtirok etadigan tijorat banklarining loyihalar boʻyicha ajratilgan bank kreditlaridan olingan foiz koʻrinishidagi daromadlarini 2024-yil 1-yanvardan 2026-yil 1-yanvarga qadar boʻlgan davrda foyda soligʻi bazasidan chegirib tashlanadi (SK-483 va PQ-292, 04.09.2023.y)

Жавоб

Oʻzbekiston Respublikasi Vazirlar Mahkamasining 2023-yil 21-iyuldagi 302-sonli qarori bilan tasdiqlangan “Davlat muassasalari toʻgʻrisida”gi nizomning 2-bandiga muvofiq davlat muassasasi boshqaruv, ijtimoiy-madaniy yoki boshqa notijorat tusdagi vazifalarni amalga oshirish uchun davlat organi yoki tashkiloti tomonidan tashkil etilgan hamda toʻliq yoxud qisman u tomonidan moliyalashtiriladigan yuridik shaxs hisoblanadi. Oʻzbekiston Respublikasi Soliq kodeksining 41-moddasi beshinchi qismiga muvofiq, ilgari bildirilgan (belgilangan) har qanday daromad, shu jumladan har qanday turdagi qarz majburiyatlari boʻyicha diskont tarzida olingan daromad (uni rasmiylashtirish usulidan qatʻiy nazar), shu jumladan pul omonatlari boʻyicha olingan daromad foizlar deb eʻtirof etiladi. Soliq kodeksining 344-moddasi ikkinchi qismiga muvofiq, Oʻzbekiston Respublikasi rezidenti boʻlgan yuridik shaxs tomonidan notijorat va budjet tashkilotlariga mablagʻlarni depozitga joylashtirishidan toʻlanadigan foizlarga toʻlov manbaida Soliq kodeksining 337-moddasi birinchi qismi 12-bandida belgilangan miqdordagi soliq stavkasi boʻyicha soliq solinadi va bunday daromadlar oluvchilarning soliq bazasini aniqlashda chegirib tashlanadi. Yuqoridagilardan kelib chiqib, davlat muassasalariga depozitlarga joylashtirilgan mablagʻlardan foizlar toʻlanganda, yuridik shaxslarning foyda soligʻi toʻlov manbaida (bank tomonidan) ushlab qolinadi. Bunda mazkur foizlar davlat muassasasining foyda soligʻi boʻyicha soliq bazasini aniqlashda chegirib tashlanadi.

Жавоб

Umumiy ovqatlanish korxonalari Soliq kodeksida belgilangan soliqlarni jami daromadidan kelib chiqib, shuningdek korxonaning o'z tanloviga ko‘ra to'laydi. Bularga quyidagilar kiradi: ▫️ qat'iy belgilangan miqdordagi daromad solig‘i (YTTlar uchun); ▫️AOS (jami daromadi 1 mlrd so'mgacha); ▫️QQS va foyda solig‘i (jami daromadi 1 mlrd so'mdan ortiq). Yangi tashkil etilgan yuridik shaxslar davlat ro‘yxatidan o‘tkazilgan kundan e’tiboran tadbirkorlik faoliyati subyektini davlat ro‘yxatidan o‘tkazish chog‘ida tanlangan soliq solish tartibini ko‘rsatish orqali AOS to‘lash tartibini tanlash huquqiga ega. Bunda yuridik shaxslar ixtiyoriy ravishda AOS to‘lashni rad etish va QQS hamda foyda solig‘ini to‘lashni tanlashga haqli. 👉 Soliq kodeksi 462-modda Agar soliq davridagi jami daromadi 1 mlrd so‘mdan oshmasa, korxona AOSni 4 % stavkada yoki qat'iy belgilangan summadagi AOS to'lash huquqiga ega.

Жавоб

Oʻzbekiston Respublikasi Prezidentining 2018-yil 26-dekabrdagi PQ-4086-son qaroriga muvofiq, yuridik shaxslardan olinadigan foyda soligʻi yoki obodonlashtirish va ijtimoiy infratuzilmani rivojlantirish soligʻini toʻlashdan toʻliq ozod qilish koʻrinishidagi vaqtinchalik imtiyozlarga ega boʻlgan yuridik shaxslar yuridik shaxslardan olinadigan foyda soligʻini imtiyozlar amal qilish muddati tugagunga qadar ikki baravar pasaytirilgan stavkada toʻlaydilar. Oʻzbekiston Respublikasi Davlat soliq qoʻmitasi 25.01.2019-y.

Жавоб

Ushbu norma yangi tahrirdagi Soliq kodeksida investitsiyaviy chegirma koʻrinishida berilishi va foyda soligʻi soliq solish bazasidan bir marta investitsiyaviy xarajatlarning turlaridan kelib chiqqan holda quyidagicha miqdorda chegirilishi belgilangan: (SKning 308-moddasi) 1) yangi texnologik uskunalar qiymatining, ishlab chiqarishni modernizatsiya qilish, texnik va (yoki) texnologik jihatdan qayta jihozlash xarajatlarining va (yoki) axborot tizimlarini yaratishga doir investitsiya loyihalari doirasida mahalliy ishlab chiqarishning dasturiy taʼminotini sotib olishga yoʻnaltiriladigan mablagʻlar summalarining 10 foizi miqdorida; 2) ishlab chiqarishni yangi qurilish shaklida kengaytirishga, ishlab chiqarish ehtiyojlari uchun foydalaniladigan binolar va inshootlarni rekonstruksiya qilishga yoʻnaltiriladigan mablagʻlar summasining 5 foizi miqdorida.

Жавоб

Sement (klinker) ishlab chiqarish faoliyatini amalga oshiruvchi korxonalar uchun foyda soligʻi stavkasi 20 foiz miqdorida belgilangan (Soliq kodeksining (yangi tahrirdagi) 337-moddasi).

Жавоб

Soliq kodeksining (yangi tahrirdagi) 333-moddasiga asosan soliq toʻlovchi zararni ushbu zarar koʻrilgan soliq davridan keyingi oʻn yil mobaynida foyda kelgusiga oʻtkazishni amalga oshirishga haqlidir. Yaʼni, soliq toʻlovchi koʻrilgan zararni kelgusi davrlardagi foyda soligʻining soliq solinadigan bazasidan chegirish huquqiga ega. Avval ushbu muddat 5 yil edi. Shuningdek kelgusiga oʻtkazilayotgan zarar summasi foyda soligʻining soliq solinadigan bazasining 60 foizidan ortiq boʻlmasligi kerak (50 foiz edi).

Жавоб

Soliq kodeksining (yangi tahrirdagi) 339-moddasiga asosan choraklik hisobotlar hisobot davri yakunlari boʻyicha - hisobot davridan keyingi oyning yigirmanchi kunidan kechiktirmay. Yillik soliq hisobotlari soliq davri oʻtgandan keyingi yilning 1-martidan kechiktirmasdan taqdim etiladi. Boʻnak toʻlovlari boʻyicha hisob-kitob maʼlumotnoma taqdim etilishi bekor qilindi.

Жавоб

Korxona tomonidan realizatsiya qilingan qishloq hoʻjaligi maxsulotlari hajmi jami realizatsiya hajmida kamida 90 foizdan ortiqni tashkil etsa foyda soligʻining stavkasi 0 foizni tashkil etadi. Bu foyda soligʻini toʻlashdan ozod qilingan degani emas.

Жавоб

Soliq kodeksining 344-moddasiga asosan, O’zbekiston Respublikasi rezidenti bo’lgan yuridik shaxs tomonidan notijorat va byudjet tashkilotlariga mablag‘larni depozitga joylashtirishidan to’lanadigan foizlarga to’lov manbaida ushbu Kodeks 337-moddasi birinchi qismining 12-bandida belgilangan miqdordagi soliq stavkasi bo’yicha soliq solinadi va bunday daromadlar oluvchilarning soliq bazasini aniqlashda chegirib tashlanadi.