Жавоб

Soliq kodeksining: 59-modasi birinchi qismi 2-bandiga asosan, ushbu Kodeks maqsadida ta’limga oid xizmatlar, shu jumladan testlar va imtihonlar o‘tkazishni tashkil etish sohalarida faoliyat ko‘rsatuvchi yuridik shaxslar ijtimoiy sohada faoliyatni amalga oshiruvchi yuridik shaxslar jumlasiga kiradi. 337-moddasi birinchi qismi 4-bandiga asosan, ijtimoiy sohada faoliyatni amalga oshiruvchi soliq to‘lovchilar uchun foyda solig‘ining nol darajali stavkasi qo‘llaniladi. 243-moddasi birinchi qismi 10-bandiga asosan, o‘qitish (ta’lim) sohasidagi xizmatlarni, shu jumladan test sinovlari va imtihonlar o‘tkazishni tashkil etish xizmatlari qo‘shilgan qiymat solig‘ini hisoblab chiqarishda soliq solishdan ozod qilinadi, xususan: boshlang‘ich, o‘rta, o‘rta maxsus, professional, oliy ta’lim va oliy ta’limdan keyingi ta’lim sohasidagi ta’lim xizmatlarini; ta’lim muassasalari (tashkilotlari), shuningdek kadrlarni qayta tayyorlash va ularning malakasini oshirishni amalga oshiradigan tashkilotlar tomonidan ko‘rsatiladigan qo‘shimcha ta’lim berish bo‘yicha xizmatlarni; maktabgacha ta’lim va tarbiya dasturlari doirasida ta’lim va tarbiyalash faoliyatini amalga oshiruvchi tashkilotlarda bolalarga qarash va ularni parvarishlash bo‘yicha xizmatlarni, to‘garaklarda, seksiyalarda (shu jumladan sport seksiyalarida) va studiyalarda voyaga yetmagan bolalar bilan mashg‘ulotlar o‘tkazish bo‘yicha xizmatlarni. 414-moddasi birinchi qismi 1-bandiga asosan, madaniyat va san’at, ta’lim, sog‘liqni saqlash (bundan turistik zonalarda joylashgan sanatoriy-kurort obyektlari mustasno), jismoniy tarbiya va sport, ijtimoiy ta’minot obyektlari bo‘yicha yuridik shaxslarning mol-mulkiga solinadigan soliqni hisoblab chiqarishda soliq bazasi o‘rtacha yillik qoldiq qiymatiga (o‘rtacha yillik qiymatiga) kamaytiriladi. 428-moddasiga asosan, madaniyat, ta’lim, sog‘liqni saqlash (bundan turistik zonalarda joylashgan sanatoriy-kurort obyektlari band qilgan yerlar mustasno) va ijtimoiy ta’minot obyektlari egallagan yerlar bo‘yicha yuridik shaxslardan olinadigan yer solig‘ini hisoblab chiqarishda soliq solinmaydigan yer uchastkalari tarkibiga kiritiladi. 483-moddasi oltmish to‘rtinchi qismiga asosan, nodavlat maktabgacha va umumiy o‘rta ta’lim tashkilotlari barcha turdagi soliqlarni (bundan ijtimoiy soliq mustasno) to‘lashdan 2030-yil 1-yanvarga qadar bo‘lgan davrda ozod qilinadi. Ushbu moddaning oltmish to‘rtinchi qismida nazarda tutilgan imtiyozlar natijasida bo‘shaydigan mablag‘lardan nodavlat maktabgacha va umumiy o‘rta ta’lim tashkilotlarini zamonaviy o‘quv qo‘llanmalari bilan jihozlash, zarur tovarlar va asbob-uskunalarni sotib olish, binolar va inshootlarni rekonstruksiya qilish hamda kapital ta’mirlash, shuningdek aholining ijtimoiy himoyaga muhtoj qatlamlariga bepul ta’lim xizmatlarini ko‘rsatish uchun maqsadli tarzda foydalanishi belgilangan. O‘zbekiston Respublikasining “Ta’lim to‘g‘risida”gi O‘RQ-637-sonli Qonunining 31-moddasi birinchi qismiga asosan, Nodavlat ta’lim tashkilotlari o‘z faoliyatini litsenziya asosida amalga oshiradi, bundan maktabdan tashqari ta’limni, kadrlarni qayta tayyorlash va ularning malakasini oshirishni amalga oshiruvchi ta’lim tashkilotlari mustasno. Nodavlat ta’lim tashkilotlari litsenziya talablariga va shartlariga muvofiq ta’lim xizmatlari ko‘rsatadi. Yuqorida nazarda tutilgan soliq imtiyozlaridan faqat ta’lim faoliyati doirasida foydalanish mumkin bo‘ladi.

Жавоб

Soliq kodeksining 89-moddasi yettinchi qismiga asosan bojxona organlari Oʻzbekiston Respublikasi bojxona chegarasi orqali tovarlarni olib oʻtish bilan bogʻliq toʻlanishi lozim boʻlgan, soliqlar va yigʻimlarning, shuningdek penyalar va jarimalarning budjet tizimiga tushumlari hisobini yuritadi; 246-moddasining 6-bandiga asosan oʻxshashi Oʻzbekiston Respublikasida ishlab chiqarilmaydigan, tasdiqlangan roʻyxat boʻyicha Oʻzbekiston Respublikasi hududiga olib kiriladigan texnologik asbob-uskunalarni Oʻzbekiston Respublikasi hududiga olib kirish soliq solishdan ozod etiladi; 239-moddasi birinchi qismining 1-bandiga asosan tovarga boʻlgan mulk huquqini pullik asosda, shu jumladan tovarning qarz shartnomasi boʻyicha oʻtkazish tovarlarni realizatsiya qilish boʻyicha aylanma deb hisoblanadi; 297-moddasi uchinchi qismining 1-bandiga asosan tovarlarni (xizmatlarni) realizatsiya qilishdan olingan daromad foyda soligʻi boʻyicha jami daromadga kiradi. Yuqoridagilarni inobatga olib, Oʻzbekiston Respublikasida oʻxshashi ishlab chiqarilmaydigan, tasdiqlangan roʻyxat boʻyicha Oʻzbekiston Respublikasi hududiga olib kiriladigan texnologik asbob-uskunalarni realizatsiya qilishda Soliq kodeksida belgilangan tartibda qoʻshilgan qiymat soligʻi va foyda soligʻini toʻlash boʻyicha soliq majburiyatlari yuzaga keladi.

Жавоб

OʻRQ-923-son Qonun (02.04.2024) bilan ayrim tadbirkorlarga soliq imtiyozlari berishni nazarda tutuvchi qoʻshimchalar kiritildi. Soliq kodeksiga kiritilgan oʻzgartirishga asosan “20 ming tadbirkor – 500 ming malakali mutaxassis” davlat dasturiga kiritilgan tadbirkorlarga tabaqalashgan miqdorlarda soliq imtiyozlari va preferensiyalar taqdim etish nazarda tutilmoqda. Xususan, Soliq kodeksining 482 va 483-moddalariga quyidagi qoʻshimchalar kiritilmoqda: 🔹01.01.2025-yilga qadar “20 ming tadbirkor – 500 ming malakali mutaxassis” dasturiga kiritilgan tadbirkorlarga mol-mulk va yer soliqlarini 50 %dan 100 %gacha kamaytirilgan stavkalarda toʻlash; 🔹barcha soliqlarni (QQS va soliq agentlari sifatida toʻlanadigan soliqlar bundan mustasno) va bojxona toʻlovlari boʻyicha taʼminotsiz va foizsiz 3 oydan 12 oygacha boʻlib-boʻlib toʻlash imkoniyati taqdim etilmoqda. 🔹Ushbu imtiyozlar “20 ming tadbirkor – 500 ming malakali mutaxassis” dasturiga kiritilgan tadbirkorlarga ular bir vaqtning oʻzida quyidagi shartlarga rioya etgan taqdirda beriladi: ▫️“Ijtimoiy himoya yagona reyestr”dagi fuqarolar ishga qabul qilinganda, ularga 1 yil davomida har oy 1 mln soʻmdan kam boʻlmagan ish haqi toʻlaganda; ▫️“Ijtimoiy himoya yagona reyestr”dagi fuqarolar ishchilar sonining kamida 20 foizini tashkil etganda. Ushbu imtiyoz va preferensiyalar Toshkent shahrida roʻyxatdan oʻtgan tadbirkorlarga nisbatan tatbiq etilmaydi. Hisob-kitoblarga koʻra mazkur imtiyozlar boʻyicha tadbirkorlik subyektlari ixtiyorida 135 mlrd soʻm mablagʻlar qolishi kutilmoqda. Izoh. Mazkur soliq imtiyozlari va preferensiyalari 01.07.2023-yildan etiboran yuzaga kelgan munosabatlarga nisbatan ham tatbiq etiladi.

Жавоб

1-apreldan QQS bo‘yicha ayrim imtiyozlar bekor qilinadi. MXIK o'zgarishsiz qoladi. Tizimdagi QQS imtiyozlari 1-aprelgacha amal qiladi. Shu kundan boshlab, ushbu tovarlar yoki xizmatlarning MXIKni tanlashda QQS stavkasi avtomatik ravishda qo'llaniladi.

Жавоб

Urush nogironlari, I va II guruh nogironlari yer solig‘ini to‘lashdan to‘liq ozod qilingan. 🔹 Urush nogironlari mulk solig‘idan to‘liq ozod qilingan. 🔹 I va II guruh nogironlari 60 kv.m. doirasida mol-mulk solig‘idan ozod qilingan. 🔹 Bolaligidan nogironligi bo‘lgan hamda I va II guruh nogironi bo‘lgan shaxslarning MHTEKM*ning 3 baravarigacha (3 150 000) bo‘lgan daromadi JShODSdan ozod etilgan. Ya’ni nogironligi bo‘lgan shaxs 3 mln 150 ming so‘mgacha ish haqi olsa, bu daromadidan soliq to‘lamaydi. Agar maoshi 4 mln so‘m bo‘lsa, daromadining 3 mln 150 ming so‘mi uchun soliq hisoblanmaydi. Qolgan summa uchun (4 mln - 3 mln 150 ming = 850 ming) 12 % stavkada (102 ming so‘m) soliq to‘laydi. 🔹Urush nogironlari, shuningdek, doimiy parvarishni talab etadigan bolaligidan nogironligi bo‘lgan farzandi bilan birga yashab, uni tarbiyalayotgan ota yoki ona har bir oy uchun MHTEKMning 1,41 baravari miqdorida (1 480 500 so‘m) JShODSdan ozod etilgan. *mehnatga haq to‘lashning eng kam miqdori = 1 050 000 so‘m

Жавоб

Oʻzbekiston Respublikasi Prezidentining “Nodavlat umumiy o‘rta taʼlim tashkilotlari tarmog‘ini kengaytirish va ushbu jarayonga tadbirkorlik subyektlarini jalb qilish imkoniyatlarini oshirish chora-tadbirlari to‘g‘risida”gi qarori qabul qilindi. PQ-49 31.01.2024. Hujjatga koʻra, 2030-yil 1-yanvarga qadar – yuridik shaxslarga oʻz mablagʻlari hisobidan nodavlat umumiy oʻrta taʼlim tashkilotlari binolarini qurish bilan bogʻliq boʻlgan xarajatlarning foyda soligʻini hisoblashda 2 yil davomida teng ulushlarda chegirib tashlash huquqi beriladi. Bunda, nodavlat umumiy oʻrta taʼlim tashkiloti tomonidan ijtimoiy himoyaga muhtoj oilalarning farzandlarini bepul oʻqishga qabul qilish boʻyicha litsenziya talablari bajarilmagan taqdirda, chegirib qolingan foyda soligʻi summasi Davlat budjetiga qaytariladi.

Жавоб

Oʻzbekiston Respublikasining 2019-yil 30-dekabrdagi OʻRQ-599-sonli Qonunining 4-moddasiga asosan, 2020-yilning 1-yanvarigacha qabul qilingan Oʻzbekiston Respublikasi Prezidentining va Vazirlar Mahkamasining qarorlarida belgilangan soliq imtiyozlari, ushbu qarorlarda koʻrsatilgan muddatlar davomida amalda boʻladi.

Жавоб

Soliq kodeksining 378-moddasiga muvofiq, Oʻzbekiston Respublikasining oliy oʻquv yurtlarida taʼlim olish uchun oʻzining, yigirma olti yoshga toʻlmagan farzandlarining yoki erining (xotinining) taʼlim olishi uchun yoʻnaltiriladigan toʻlov soliq toʻlovchining soliq solinishi lozim boʻlgan ish haqi va boshqa daromadlari soliqqa tortilmaydi. Agar soliqqa tortilgan boʻlsa, deklaratsiya taqdim etish yoʻli bilan qaytarib olinadi.

Жавоб

🔵 Soliq kodeksining 378-moddasiga asosan jismoniy shaxslardan meros yoki hadya tartibida, shuningdek tekinga olingan pul va natura shaklidagi daromadlarga soliq solinmaydi. 👉 Yaqin qarindosh boʻlmagan shaxslar oʻrtasidagi koʻchmas mulk, avtotransport vositalari, qimmatli qogʻozlar, yuridik shaxslarning ustav fondlaridagi (ustav kapitallaridagi) ulushlar esa bundan mustasno hisoblanadi va ular belgilangan stavkada soliq toʻlaydi.

Жавоб

2017-2020-yillarda shaharlarda arzon koʻp kvartirali uylarni qurish va rekonstruksiya qilish dasturiga asosan qurilgan koʻp kvartirali uylardan 2020-yil 1-iyulga qadar “Ipoteka bank” ATIB, “Oʻzsanoatqurilishbank” ATB va “Asaka bank” ATB tomonidan berilgan ipoteka krediti asosida kvartira sotib olingan boʻlsa, ushbu kvartiralar boʻyicha jismoniy shaxslar (qarzdorlar) ipoteka kreditini toʻlab boʻlgunga qadar mol-mulk soligʻidan ozod qilinadi (PQ-2660-son, 22.11.2016-yildagi). Misol uchun: 2018-yilning 2020-yil 1-iyulga qadar, “Ipoteka bank” ATIBdan 120 mln.soʻmga 20 yil muddatga ipoteka krediti asosida namunaviy uy olgan. Bunda, fuqaro ushbu uy boʻyicha ipoteka krediti qoplanguniga qadar mol-mulk soligʻidan ozod qilinadi.